Merc'her al Ludu

Mercredi des Cendres

tennet eus Levr Joel

du livre de Joël

"Setu amañ petra lavar an Aotroù: En em droit ouzhin a greiz kalon; yunit, leñvit, hirvoudit. Rogit ho kalonoù ha nann ho tilhad hag en em droit ouzh an Aotroù ho Toue, rak leun eo a vadelezh, a drugarez, a habasted, hag e garantez a zo brasoc'h eget hor fallagriezh. Piv oar ha ne zistroio ket ouzhomp d'hor pardoniñ, d'hor bennigañ, evit ma kinnigot adarre ho profadennoù ha ho died-kinnigadennoù d'an Aotroù Doue? Kanit gant an drompilh e Sion, lavarit d'an dud yuniñ, galvit ar bobl, lavarit dezho en em santellat, galvit ar re gozh hag ar vugale c'hoazh o tennañ. Ra zeuio ar pried eus e gambr hag ar c'hrweg eus he gwele. Etre ar porched hag an aoter ar veleion, kannaded Doue, a lavaro en ur leñvañ: "Pardonit, Aotroù, pardonit d'ho pobl, ha na lezit ket hoc'h hêrezh da vezañ goapaet ha gwasket gant an estren. Na lezot ket ar bobloù all da lavarout: "E-men emañ o Doue?" Doue en deus bet truez ouzh e bobl hag espernet anezhi. Respontet en deus evelhen: "Me zegaso deoc'h ed ha gwin hag eol, kement ha m'ho pezo ezhomm, ha ne viot mui goapaet gant ar bobloù all". Setu komzoù an Holl-c'halloudek." (I,12-17; II,18-19)